Ugaoko Eskolaren Bitakora

INAUTERIAK 2012

2012-02-10T02:58:00.000-08:00

otsailaren 17a, barikua

Arratsaldeko 3:00etan, kalejiraren irteera Leitoki eskolatik

Plazara heldutakoan, ikastaldeek dantza eta koreografia batzuk eskeiniko dizkigute;
aurtengo gaia ZIRKOA da.

Jarraian, gorputzak epeltzeko, txokolatea!!!

Lau eta erdietatik aurrera, irakaslek, gurasoek eta nahi duten guztiek beraien aktuazio musikalak burutzeko aukera izango dute.

CEIP UGAO HLHIko zuzendaritza taldeak inauteriak ospatzera gonbidatzen zaituzte. Desfila dezakezu, ikasleen dantzak eta koreografiak ikus ditzakezue eta parte har dezakezu aktuazioren bat eginez.

ETORRI ETA PARTE HARTU GURE ZIRKOAN

LAU URTEKO UMEEN GOSARIAK.

2012-02-01T14:18:00.000-08:00

Lau urteko umeak gosari eta hamaiketako osansuntsuen garrantziaz jabetu dira. ON EGIN!!!!

LAU URTEKO UMEEN ANTZERKIAK

2012-02-01T13:59:00.000-08:00

EDURNE ZURI.

HIRU TXERRIKUMEAK.

TXANO GORRITXO.

ZAZPI ANTZUMEAK.

LAU URTEKO IKASLEEN ANTZERKIAK.

2012-02-01T01:28:00.000-08:00

2012-01-25T01:57:00.000-08:00

Pasaden urtean 2. mailakoek egindako erregai ezberdinei buruzko hormirudiak berreskuratu ditugu eta 4. mailakoek hortik atera dituzte energia iturriak. Helburua izan da 5. eta 6. mailakoei sarrera txiki bat egitea urtarrilaren 9an izango duten tailerrari hasiera emateko. Saio horretan landuko dituzte Energia Berriztagarriak Naturgas entrepesarekin.

LAU URTEKO UMEEN GOSARIAK

2012-01-25T01:42:00.000-08:00

GOSARIA BAPOA BAI

ETA EGUN OSOAN GUAY!

Gaurlehenengo ordutik hasi gara gosari usainean:

· Zukua egin eta hartu.

· Esnea berotu cola-caoa nahazteko.

· Bitartean ogiak xigortu eta gurina eta mermeladaz busti.

· Den denaz gozatzeko.

Ah!Amaitu dugunean, muturra eta eskuak ondo-ondo garbitu ditugu.

UGAOKO HERRI ESKOLAKO GELETAKO ARGAZKIAK

2011-12-27T14:12:00.000-08:00

Ugaoko ikasgela guztiak

HEMEN DITUZUE GELETAKO ARGAZKIAK ESKURAGARRI.

UGAOKO HERRI ESKOLA

2011-12-27T13:34:00.000-08:00

Gure eskolako ikasle guztiak beraien gelakideekin oporrak hartu aurreko egunean.

ONDO PASA OPORRETAN!!!!

OLENTZERO ESKOLAN.

2011-12-27T12:54:00.000-08:00

Aurten ere Olentzero gure eskolan egon da eta Astotxok lagunduta opari ugari banandu du gure ikasleen artean.

GORA OLENTZERO ETA ASTOTXO!!!!!!!!!!!

ELIKADURA OREKATUA.

2011-12-27T12:50:00.000-08:00

Ugao herri ikastetxeko ikasleak elikadura osasuntsua zer den bereganatzen ari dira. Eskolan praktikan jarri dute ikasitakoa eta gosari osasuntsuak prestatu dituzte.

ON EGIN!!!!!!!!!!!

ZURESKU ELKARTEA GURE ESKOLAN

2011-12-13T00:15:00.001-08:00

Abenduaren 9an zuresku elkartea bere jolasekin etorri zen gure ikasleei aintzinako jolasak eta jolas asmatuak erakustera. Hemen ikusgarri jartzen ditugu zuentzat ere.

EUSKARAREN EGUNEKO BIDEO ETA ARGAZKIAK.

2011-12-12T01:13:00.001-08:00

UDALETXEKO FOROA

2011-11-28T01:37:00.001-08:00

Azaroaren 22an, goizean , udaletxera joan gara eko-ordezkariak, Agenda 21eko arduraduna etazuzendaria alkateari aurtengo proiektuaaurkezteko.

Hasteko,pasaden urtean landu genituen Ugaoko puntu beltzen emaitzak eman dizkiegu.Izazkunek, alkateak , oso pozik hartu ditu gure informeak eta prest dago gurelanarekin jarraitzeko.

Gero komentatu diegu Ugaoko Iturriarenegoerari jarraipen bat egingo diogulakurtsoan zehar eta geletan Ugaoko Ondare kulturala zelan zaindu ere landuko dugula.

Eko-ordezkariekeskatu diote alkateari laguntza ortu bat eskolan prestatzeko eta baietzerantzun digu, udaletxetik prest daudelaguri laguntzeko. Beraz, AURRERAORTUAREKIN!!!

Alkateakmesede bat ere eskatu digu : ea eskolan komenta dezakegun non bota beharditugun txutxerien paperak. Asteburuetan Ugaoko kaleak oso zikin daudela, umeek eta nagusiek paperontziak erabili beharditugula askoz gehiago. Geletan aztertuko dugu puntu interesgarri hori ere:nora doaz guk lurrera botatzen ditugu paperak, plastikoak…?

Ondo pasa eta gure ingurunea zaindu!!!

ASTOTXO ESKOLATIK DABIL.

2011-11-14T06:10:00.000-08:00

ITURRIA

2011-11-04T01:56:00.000-07:00

Maiatzan, azkenengo Foroan, alkatesak eskaera polit bat luzatu zigun: Ugaoko Iturria azken boladan oso zikin zegoenez, ea guri eskolan ze o zer bururatzen zitzaigun berriro ez gertatzeko.

Eko-ordezkariak martxan jarri dira eta lehenengoz Iturrira joan dira argazkiak ateratzera, ORAIN OSO GARBI DAGO!!!. Hormirudi bat sortu dute eta gelaz gela hausnarketa egingo da : zer egin dezakegu guk Ugaoko Iturria ondo zaintzeko, ondo mantentzeko?
Otsailan eta Maiatzan beste jarraipen bat egingo da.

AGENDA 21 2011-2012

2011-11-04T01:47:00.000-07:00

Gure ikastetxean 4 urte daramatzagu Agenda 21 proiektuan , eta aurten kurtsoan zehar landuko dugun gaia ELIKADURA izango da. Orain bukatzen ari gara mugikortasun gaiarekin.

Geletan eko-ordezkariak aukeratu dituzte eta martxan daude jadanik. Azaroaren 18an Ugaon argazki batzuk atera zituzten ( herriko puntu beltzak), azaroan alkatesarekin 1. Foroa egiteko.

EA21 arduraduna

AURTEN ERE ASTOTXO ESKOLAN

2011-11-02T02:25:00.000-07:00

KAIXO LAGUNOK:

ASTOTXO NAIZ, ASKOTAN ETORRI IZAN NAIZ UGAOKO ESKOLARA BERTAKO UMEEI BISITA EGITERA ETA NIRE BIZIMODUA KONTATZERA.

AURTEN ERE BERDINA EGITEA PENTSATU DUT, LEITOKIRA JOAN NAIZEN GUZTIETAN OSO ONDO PASATU DUDALAKO. GOGORATU NI EUSKALDUNA NAIZELA ETA ELKAR ULERTZEKO EUSKERAZ EGIN BEHAR DUGULA. DATORREN ASTEAN IKUSIKO GARA ESKOLATIK IBILIKO NAIZELAKO. BERAZ, ADI EGON, EDOZEIN MOMENTUTAN AGERTU NAITEKELAKO.

AGUR ETA ONDO IBILI.

Azkenean ... saria!!!

2011-06-23T00:24:00.000-07:00

Pasaden urtean Elkar Bizitzako marrazki lehiaketan parte hartu nuen eta irabazlea izan nintzen.
Sari moduan liburu hau eman zidaten eta klaserako kamisetak nire marrazkiarekin. Liburua oso ondo dago eta bloga bisitatzen duzuenoi gomendatzen dizuet irakurtzea.

Ane Moraga

BERTSOLARITZA 2011

2011-05-31T07:26:00.000-07:00

Pasa den maiatzaren 30ean 5. eta 6. mailako guztiak Aitor Rubio gitarra-jolearekin batera abesten egon ginen. Gainera,6. mailakoek bertso batzuk eskaini genituen. Oso ondo egon zen, mikrofonoarekin abesten, bolondres batzuk dantza egiten... primeran pasatu genuen!!

Antzerki mundiala

2011-05-31T02:59:00.000-07:00

Pasa den astean, mundu osoan zehar ibili eta gero, Etxegarai eskolako neska mutilek haien antzezlanik arrakastatsuena eskaini ziguten. Zahar etxe batean eta Barrebista TBn hainbat pasadizo barregarri ikusi ostean, gustora gelditu ginen.
PD: Gehien espero genuen aktorea gure andereño baten semea zen. Bera, besteak bezala oso ondo egon zen.

Angeles Ibirikaren bisita

2011-04-13T05:17:00.000-07:00

Aurreko ostiralean, apirilak 8, Ugaoko idazlea den Ángeles Ibirika etorri zitzaigun eskolara. Dakizuenez, Ángelesek amodiozko nobelak idazten dite. Berarekin hitz egiten egon ginen denbora luzean oso interesgarria izan zelako berak esandako guztia: nola hasi zen idazten, bere lan ohiturak, bere asmoak... Argitaratu duen 1. nobelak, Entre sueños, hainbat sari jaso ditu. Ekainean "Antes y después de odiarte" argiratuko du. Irakur itzazue gure herriko idazle honen lanak!! El viernes, 8 de abril, la escritora de Ugao, Ángeles Ibirika vino a nuestra escuela. Como ya sabréis, Ángeles escribe novela romántica. Estuvimos un largo rato con ella ya que nos pareció muy interesante lo que nos contó: cómo empezó a escribir, sus hábitos de trabajo, sus intenciones... Su primera novela publicada, Entre sueños, ha recibido numerosos premios. En junio publicará su novela Antes y después de odiarte. Leed los libros de esta escritora de nuestro pueblo!!

URKIOLA 4. MAILA

2011-04-06T02:44:00.000-07:00

Guggenheim + Bizkaiko Zubia

2011-03-31T03:42:00.000-07:00

Kaixo! 6. mailako ikasleok apirilaren 24an Guggenheim museora eta Bizkaiko Zubira joan ginen. Museoan hainbat gauza ikusi genituen. Bisita amaitu ondoren tailer bat egitera joan ginen. Gero parke batean bazkaldu eta frantziar batzuekin hitz egin genuen. Agurtu ostean Bizkaiko Zubira abiatu ginen. Han batzuk beldur pixka bat sentitu genuen baina gero konfiantza hartu eta lasaiago geratu ginen. Han goian zelako haizea zebilen!! Primeran pasatu genuen eta gehienok zubira berriro bueltatu nahi dugu! Hona hemen argazki batzuk:

Agenda 21

2011-03-29T07:22:00.000-07:00

Otsailaren 9an L.H. ko ziklo guztiek Ugaotik ibilbide bat egin zuten mugikortasun gaiari hasiera emateko. Geletan irakasleekin ibilbidearen hausnarketa egin zuten eta ondorioak atera zituzten.

AGENDA 21

2011-02-23T05:59:00.000-08:00

Pasa den urtean ikasleek eta irakasleek hartu genituen akordioen jarraipena abenduan aztertu genuen inkesta baten bidez . Urtarrilean inkestaren hausnarketa egin zen eta eskolan sustatzeko akordioak hainbat proposamen egon ziren. Haien artean hormirudiak egitea eta kokatzea pasabideetan, komunetan, fotokopiadora gelan .... Otsailan amaitu dute lan polit hori. HEMEN DUZUE GURE LANA!!! POLITA, BAI???!!!

ASTOTXO

2011-02-23T00:48:00.000-08:00

Berriz ere astotxo gure eskolara etorri da. 3 urtekoen gelatik pasatu da eta 4 urte, 5 urte eta 2 urtekoen gelatatik pasatzeko asmoa ere badauka.
Gogoratu euskaraz hitzegitea eta euskara erabiltzen saiatzea.

TXOTXONGILOAK

2011-02-18T05:24:00.000-08:00

Urtarrilaren 21ean, ostiralean, txotxongilo emanaldia izan genuen ikastetxean, psikogelan. 10etan 5 urtekoak, 1. eta 2. mailakoak hurbildu ziren ikustera, poz-pozik. Izugarri gustatu zitzaien eta orain geletan lan batzuk prestatuko dituzte gaiari buruz.

AGATE DEUNA 2011

2011-02-16T03:52:00.001-08:00

OLENTZERO EGUNA

2011-01-17T07:52:00.000-08:00

AGENDA 21

2011-01-17T03:08:00.000-08:00

Pasaden urtean, gure eskolan hainbat akordioetara ailegatu ginen paperari buruz eta argiari buruz. Aurten pentsatu dugu akordio horiek birgogoratzea eta eskolan sustatzea; horregaitik inkesta txiki bat bete dugu gai hauei buruz 3. mailatik gora.
Umeek bete dituzte inkestak eta eko ordezkariek datuen bilketa egin dute.
Hemen argazkietan lan eta lan ikusten ditugu. Bai langileak!!

AGENDA 21

2011-01-17T03:01:00.000-08:00

Pasa den azaroaren 19an , Agenda 21-eko eskolako eko-ordezkariak udaletxera joan ginen alkatesarekin hitz egitera. Batzarra txiki bat izan genuen berarekin eta aprobetxatu genuen eraikuntza ezagutzeko eta langileak agurtzeko. Oso atseginak izan ziren gurekin.

Batzar horretan Izazkunek , alkatesak, Udalak Agenda 21ari buruz zer egiten duen azaldu zigun , eta guk aurten landuko dugun gaia ere aurkeztu genion: MUGIKORTASUNA. Honen aparte, eskatu genion papera birziklatzeko edukiontzia aldatzea eta pilentzako edukiontzi bat ipintzea. Baietz erantzun zigun bi proposameneei, ahalik eta azkarren agingo zuela.

Bisita amaitzeko opari txiki bat eman ziguten, “buf” bat negurako. Oso ondo pasatu genuen eta pozik egon ginen.

Eko-ordezkariak

EUSKARAREN EGUNA

2010-12-23T00:02:00.000-08:00

Abenduaren 3an Euskeraren Eguna ospatu genuen eskolan eta hona hemen argazki batzuk, zuek ikusteko ze ondo pasatu genuen!!

LURRASKAKO BARNETEGIA

2010-12-22T10:06:00.001-08:00

2. Mailako ikasleak Lurraskako baserri eskolan egon ginen eta oso ondo pasatu genuen.

BERRIZ CAMP (Day 5)

2010-12-13T03:17:00.000-08:00

Hi!! Beno, gure azken eguna barnetegian.

Aste osoan zehar egindako laburpen bat ikusi dugu (argazkiak eta bideoak), bazkaldu eta autobusera. Orokorrean primeran pasatu dugu eta aldi berean ere zerbait ikasi dugu.

Bye, bye!! See you!!

BERRIZ CAMP (Day 4)

2010-12-03T01:08:00.000-08:00

Hello friends!!

Gaur Joko Olinpikoak izan ditugu eta oso ondo pasatu dugu. Irabazi dutenei diploma eta domina batzuk eman dizkiete.

Orain diskotekara joango gara eta ederto pasatzea espero dugu.

Good bye!!

BERRIZ CAMP (Day 3)

2010-12-01T14:44:00.000-08:00

Hello!! How are you?

Gu ondo gaude eta espero dugu zuek ere ondo egotea.

Gaur Igorreko neska baten urtebetetzea izan da eta Oreo cake bat egin diogu. Gero denok jan egin dugu. TV Quiz programa egiten ari ginenean elurra hasi da eta denak very happy jarri gara.

Good bye!! Ondo pasa!! Bihar arte!!

BERRIZ CAMP (Day 2)

2010-11-30T07:50:00.000-08:00

Hello!! Asteartean artistak izatea tokatu zaigu eta guk egindako aurpegiekin totem bat egin dugu. Aurkezpenean, ikasten egon garena aurkeztu dugu, eta talde bakoitzak dantza bat dantzatu du eta poster batzuk egin ditugu.

Good bye!! We are having a good time!!

BERRIZ CAMP (Day 1)

2010-11-29T10:14:00.000-08:00

Kaixo!! Ugaoko 6.mailako ikasleak gara eta azaroaren 29tik abenduaren 3ra arte Berrizko barnetegi zoragarri honetan gaude. Oso ondo pasatzen ari gara eta experimentu asko egin ditugu. Gaur zientzialariak izan gara.
Oharra gurasoentzat: We are very happy!!
Bihar arte!

MERCABILBAO 2010

2010-11-19T03:26:00.000-08:00

Kaixo lagunok!
Pasa den astean 6.mailako ikasleok Mercabilbao ezagutu genuen.
Hasieran arrainei buruzko bideo bat ikusi eta arrain batzuk garbitu genituen. Gero, Deustuko arraunlari batzuekin hitz egiten egon ginen, galdera batzuk egiten, ... Amaitzeko janaria gordetzen den tokira joan ginen.Hor fruta ezberdinak ikusi genituen eta laranja poltsa bat eraman genuen!
Amaieran arrain pintxo bat jan genuen (batzuek ez) eta berriz Ugaora.
Ahh! Eta batzuk irratsaio batean zuzenean hitz egin zuten!
Oso ondo pasatu genuen!

CIRQUE DÉJÁ VU

2010-11-12T03:36:00.000-08:00

Gaur goizean 3. eta 4. mailakoak trenera igo gara Bilbora joateko, antzerki bat ikusteko. Heltzean eseri gara eta aitite bat Antxelmo izenekoa zegoen eserita. Antxelmok oroimena galduta zeukan. Beste aitite bat Faustok nahi zuen Antxelmori oroimena etortzea . Biak gaztetan lan egiten zuten elkar zirkoan. Faustok oparitu zion zirkoaren gurdia eta Antxelmo gogoratzen hasi zen.Asko gustatu zitzaigun.

Arteako ekomuseoa

2010-11-11T06:00:00.000-08:00

Kaixo gu 4. mailako ikasleak gara ,ostiralean Arteako ekomuseora joan ginen. Han bi talde egin genituen talde bat 4.D2 eta 4.D1 izan ziren. Lehenengo hamaiketakoa jan genuen, bost minutu beranduago taldeak egin ziren,talde bat kobazuloa ikustera joan zen eta bestea ekomuseora.
Kobara joan zirenak antzinan zelan bizi ziren ikusi zuten eta ere zelan egiten zituzten gauzak, adibidez: lantzak, jertseak...
Ekomuseora joan zirenak baserrian zelan bizi ziren ikusi zuten. Han zelan egiten eta inbentatzen zituzten gauzak. Talde biek ikusi zuten gauza bera. Gero parkean jolastu genuen eta geroago bazkaldu genuen, ondoren gimnasio parkea aurkitu genuen. Minutu batzuk pasatzean autobusera joan ginen eta pelikula bat ikusi genuen. Klasera heldu ginenean batzuk jolastu eta beste batzuk margotu .

Ur borroka!

2010-06-22T04:21:00.000-07:00

Gaur, eguraldi ona baliatuz, udari ongietorria eman diogu patioko eskolan antolatu diren ur borroken bitartez. Bihar ospatzekoa den ikasturte amaierako jaiari aurrea hartuz (bertan protagonistak 6. mailako ikasleak izango dira) Lehen Hezkuntzako ikasleek bainujantziak hartu, ur pistolak bete eta... GERRARA!!!
Ederto pasatu dute, bestela begiratu hemen kokatu ditugun argazkiak.
Bihar arte!

Bide Hezkuntza ikastaroa

2010-05-31T07:08:00.000-07:00

Bi urtero bezala, egunotan Bide Hezkuntza ikastaroa jasotzen ari dira 5. eta 6. mailetako ikasleak. Ikastaro hau Herrizaingo Saileko Trafiko zuzendaritzak antolatzen du eta UNEDen diplomaturiko bi ertzainek ematen dute.
Ikastaroak bost ordu irauten du guztira -talde bakoitzak-, horietako hiru teorikoak dira, ikasgelan ematen direnak, eta beste biak tailer praktiko bat dira. Honetarako, zirkuitu bat eratzen dute eskolako patioan -argazkietan ikus dezakezuenez-, pasabideak, semaforoak, ikur bertikalak, ertzainak eta guzti. Ikastaroak bost ardatz ditu:
- Oinezkoak
- Bizikleta gidaria
- Seinale mota ezberdinak ezagutzea
- Bide Hezkuntzako Parkean praktikak egitea
- Autobabeserako oinarrizko arauak.
Eta lortu nahi diren helburuak, berriz, honako hauek dira:
- Oinezko eta gidari bezala arriskuak zein diren jakin.
- Jokabide ohitura seguruak eskuratu.
- Errepideetan segurtasun pertsonala hobetzeko behar diren gaitasunak garatu.
Gure ikasleek hainbat kontu ikasteaz gain, ederto pasatu dute praktiketan.

Sastarraingo barnetegia

2010-05-05T01:18:00.000-07:00

Ugao eskolako 3. mailako neska-mutilok aurtengo apirila amaieran, hiru egun zoragarri bizi izan doguz. 40 ikasletik gorako taldea izan gara eta pila bat kontu egin dogu: ikuiluan animaliak ezagutu, zaldiz ibili, gure arbasoen aztarnak leizeetan antzeman, geolojian murgilketa apalak egin, landaredia eta animaliak ikusi eta erroskila eta pastel goxoak prestatu egin doguz.
Guzti hau gitxi ez bada, gaubela zoroak izan doguz eta elkarregaz une atseginak bizi izan doguz. Guri laguntzeko etorri diran hiru andereñoek ere, itzel igaro dabe, eguraldiak ere, gozamen honetan lagundu izan dauelarik.
Bertako egonaldia aprobetxatu dogu Sastarraingo lagunei elkarrizketa bat egiteko, Baserri Eskola bat zer dan eta bertan zer egiten daben azaltzeko. Entzun daikezue hemen behean dagoen artxiboan klikatuta.

3. mailako neska-mutikoek

3erd level children's robots

2010-04-27T01:41:00.000-07:00

Hello!!
We´re 3rd level students. We learnt about our body and, to finish the topic, we decided to work on robots. We used recycled materials: boxes, paper rolls, aluminium paper, stickers… and … here they are!! Our robots are really nice and funny, aren´t they?

Kaixo!!
3. mailako ikasleak gara. Gure gorputzari buruz ikasi genuen eta, gaia bukatzeko, robotak egitea erabaki genuen. Birziklatutako materialak erabili genituen: kutxak, paper tutuak, aluminio papera, pegatinak… eta hemen daude!!. Gure robotak oso politak eta barregarriak dira, ezta?

Hirugarren mailako neska mutikoak

Bertso saio musikatua

2010-04-20T03:23:00.000-07:00

Azken urteetako ohiturari jarraiki, gaur hirugarren zikloko ikasleok bertso saio berezia izan dugu, izan ere, oraingoan bertso musikatuak abestu izan baititugu Aitor Rubio musikariaren laguntzaz.
Denok dakizuenez, seigarren mailako neska mutikook bertsogintza lantzen dugu astean behin Etxahun Lekue bertsolari gazteagaz. Egitasmo horren barruan kokatzen da gaurko bertso saio musikatua. Esan bezala, Aitor Rubio musikariaren laguntzaz aritu izan gara kantuan. Aitor eskarmentu handiko musikaria da, hainbat diskotan parte hartuz zein zuzeneko emanaldietan kitarra joz (besteak beste, Gu Ta Gutarrak, Mikel Urdangarin...) Saio berezi honetara bosgarren mailako lagunak gonbidatu ditugu. Ederto pasatu dugu denok, bestela ikus ezazue hemen behean jarri dugun Maritxu nora zoaz? kanta ezagunaren bideoa.

Seigarren mailako bertsolari gazteok

Azken dantza eta Astotxoren mezua

2010-03-26T05:41:00.001-07:00

Eta horra hor sorpresa!!!
Azken unean Astotxo menditik jeitsi da eta gure festan parte hartu gure izan du. Hona hemen festa bukaerako dantza eta Astotxoren mezua.
On izan.

Astotxoren lagunak

Jolas eguna

2010-03-26T04:02:00.000-07:00

Eta Kultur Astea amaitu egin da!

Baina, tire, bigarren hiruhilabetekoa ere eta, beraz, gaur udaberriko oporraldia hasiko da.

Bariku honetan, txotxongilo lan bat ikusi ostean, eskolako txikienak patiora irten eta, eguraldia lagun, ezin hobeto pasatu dute irakasleek atondu duten jolas parkean. Bertan pila bat froga eta kirol egin dute: zaku lasterketa, patinete lasterketa, txirringa lasterketa, koilara lasterketa... uff!!! Horrenbeste lasterketarekin neke-neke eginda amaitu dute.

Hau guztia 3, 4 eta 5 urteko ikasleentzat izan da, zeren eta txikienentzat, gure 2 urteko ume maitagarrientzat, beste jolas-parketxo bat antolatu dute irakasleek eta, honetan, ez dute horrenbeste korritu behar izan.

Ederto pasatu dute goiz partea.

Ez ahaztu, apirilaren 12an atzera be eskolan ikusiko gara.

Ondo pasa oporretan!!

Haur Hezkuntzako maitagarriak

Euskal dantzen erakustaldia

2010-03-25T05:27:00.001-07:00

Eta eguenean ere, kirolean aritu ostean, Lehen Hezkuntzako ikasleek Heziketa Fisikoko saioetan ikasitako euskal dantzen erakustaldi ikusgarria eskini digute. Ikasmaila bakoitzak dantza ezberdin bat egin du: eskudantza, txulalai, sanpetrike, zapatagin, zazpi jauzi eta polka pik.

Amaieran, dantzaldi librea izan da eta guztiak animatu dira gorputza mugitzera, ikasle zein irakasle, berdin Nafarra Beherako martxea (ikus argazkia) edota ska eta rock'n'rolla izan.

Astea ari da amaitzen, opor usaina dabil inguruotan. Biharkoan, txikientzako txotxongiloa eta jolask izango dira.

Dantzari kaskarinak

Kirol eguna

2010-03-25T05:25:00.000-07:00

Eta eguenean Lehen Hezkuntzako ikasleek kirol eguna izan dute. Patioa kiroldegi erraldoi bilakatu eta seigarren mailako ikasleen antolaketaz, demari ekin diote: txingak, sokatira, lokotxak, boloak, harri jasoketa... Ederto eman dute goiz partea, norgehiagoka, giro onean, garrantzitsuena ez baitzen kasu honetan irabaztea, parte hartzea eta ondo pasatzea baizik.

Esan bezala, eskolako nagusiak ibili dira talde ezberdinetan antolatzaile eta probetan epaile. Oso ondo bete dute euren zeregina.

Ugaoko kirolari gazteak

Kantaldia

2010-03-25T05:24:00.000-07:00

Bertsolaritzarekin batera, laugarren mailako ikasleek kantaldi ederra eskeini ziguten eguaztenean. Hauek ere Jane Jauregian eman zuten egun osoa, bertara eskolako ikasle guztiak hurbildu baitziren prestatutako saioa entzuteko. Baina, horra hor sorpresa, ikuskizuna ez zen bakarrik belarrien gozamenerako, kantu bakoitza bideomontaje batez lagundu baitzuten pantaila handian. Laugarren mailako talde biak ezin gogotsuago aritu ziren kantu ezberdinetan: ahotsak, perkusio txikiak, zeharkako flauta, gitarrak, flauta gozoak.... eta, zelan ez, txaloak eta gerria astintzen.

Arratsalderako aurreikusita zegoen plazan eskeintzea herritar guztientzako saio irekia: musika ekipoa montatuta zegoen eta, bat-batean, euria.

Azkenean, Jane Jauregian bertan eskeini zuten kantaldia, formatu txikiagoan. Txalo zaparradak itzelak izan ziren.

Laugarren mailako kantari eta musikariak

Bertso saioa

2010-03-25T05:22:00.001-07:00

Eguaztena kantu eta bertsoetarako eguna zen gure egitarauan. Seigarren mailakoek bertso saio ederra atondu zuten, edota eurek hasierako bertsoetan kantatu zuten moduan, saio potentea.

Goizean hainbat ekitaldi egin zuten eskolako ikasle guztientzako. Arratsaldeko saio irekia, hau da, herritar guztiei zuzendutakoa, plazan egitekoa zen, baina hasi baino lehentxoago euri zaparrada galanta egin zuenez, Jane jauregian moldatu zuten egitekoa.

Saioaren egitura didaktikoa izan zen, hau da, bertso saioetan erabili ohi diren ariketa ezberdinak plantetau zizkieten gai-jartzaile ezberdinek bertsolariei.

Hau guztia Etxahun Lekue bertsolariarekin ikasi dute astean behin izaten duten bertsolaritza saioan. Atzokoan ikusi zenez, Ugaoko bertsolarien harrobia ziurtaturik dago.

Seigarren mailako bertsolari gazteak

Antzerki eguna

2010-03-23T11:06:00.001-07:00

Gaur, martitzenean, urtero egiten den legez, antzerkiaren eguna izan da. Bosgarren mailako ikasle finek antzezlan ezin barregarriago bi prestatu eta eskeini digute. Lan eskerga gero! Izan ere, alde batetik, egun osoan zehar ikastetxeko ikasle guztiak pasatu dira, hau da, 3 funtzio egin dituzte eta bertara 300 ikasle inguru hurbildu dira. Geroxeago, arratsaldeko 5:00etan, herritar guztiei zabalik eskeini dute... eguneko laugarren funtzioa!!!
Halere, egindako ahalegina merezi izan duelakoan gaude, batez ere ikasle, guraso eta herritarren txalo zaparrada entzunda.
Hurrengo urtean antzezlan berriak iusiko ditugu.
Aurtengoak ezin izan badituzue ikusi, hementxe dauzkazue irudi batzuk. Ondo pasa.

Bosgarren mailako neska-mutikoak

Graffiti eguna eta Astotxoren bisita

2010-03-22T08:24:00.000-07:00

Astelehenean aurreikusi bezala, ikasleak hormirudiak egiten ibili dira egunean zehar, mota guztietakoak baina helburu bakarrarekin, euskararen aldeko gure konpromisoa adieraztea. Hormirudi hauek eskolaren sarreran eta herrian jarriko ditugu denok ikusteko.

Bestetik, 3. zikloko ikasleek mitologia eta literatura tailerrak izan dituzte, Udal Liburutegiak antolatuta.

Hau guztia prestatuta genuen, baina, horra hor ezustea, txikienen arratsaldeko jolasaldian nor eta Astotxo agertu denean. Umeekin jolastu, euren kantak entzun eta euskaraz egiteko eskatu die. Hurrengo arte, Astotxo, gure lagun.

Horrela amaitu da gaurko eguna. Bihar berriz, antzerki lan mundialak 5. mailakoen eskutik.

Eskolako umeak

Sukarrietako barnetegia

2010-03-22T05:03:00.001-07:00

Kaixo lagunok:

Dakizuenez laugarren mailako ikasleak, aurreko astean, Sukarrietan egon gara eta oso ondo pasa dugu. Orain kontatuko dizuegu zer egin dugun ondo pasatzeko. Hara heldu ginenean lehenengoko gauza gure logela non zegoen kokatuta ikusi genuen, gero ikastetxe ezberdinetako ikasleok, ludotekan, aurkezpena egin genuen eta bukatu ondoren jantokira. Bazkaldu eta gero, denbora libre hirurak arte. Hiruretan proiktuetara abiatu ginen (gurea ura zen). Arratsaldeko bostetan proiektuak bukatzen ziren eta azkaltzera. Azkaldu eta gero bakoitza bere tailerrera joaten zen (keramika, astronomia, sukaldaritza, ehungintza...). Gabeko zortzietan afaltzera eta gero, hamarrak arte, jolastera. Hamarretan logelara eta lo egitera. Egun guztietan irteeraren bat egin genuen, zaldiz ibili ginen eta asteazken gauean diskoteka izan genuen, hamaikak arte. Diskoteka eta gero logelara, Sukarrietako sorgina etorriko zela pentsatzen. Ah, ez dakizue? Sukarrietako barnetegian sorgin bat dago: Mari Suka.

Ostegun arratsaldean, neka-neka eginda Ugaora iritsi ginen. Eskerrak jaizubi luzea egon den atseden ahartzeko eta Kultur Astea behar bezala hasteko!

Eta eskerrik asko gurekin izan diren andereñoei: Itziar, Rakel eta Idurre.

OSO ONDO PASADUGU!!!

Argazki batzuk ikusi ahal dituzue eskumako zutabean.

4. mailako neska-mutikoak

Badator KULTUR ASTEA 2010

2010-03-18T06:17:00.000-07:00

Urtero legez, udaberriko oporraldiaren aurretik Kultur astea ospatuko dugu eskolan, herrian ospatzen den Euskal Astearekin batera.
Hauexek dira eskolan hurrengo astean burutuko ditugun ekintzak.
- martxoak 22, astelehena, Graffiti eguna: Goiz osoan zehar, ikasleek hormirudiak margotuko dituzte. Arratsaldean herrian jarriko ditugu.Goizez, euskal mitologia eta literatur tailerrak 3. ziklokoikasleentzat udal liburutegiaren eskutik.
- martxoak 23, martitzena, Antzerki eguna: egunean zehar antzerki lan bi ikasle guztientzat 5. mailako ikasleen eskutik, Jane Jauregian. Arratsaldeko 5etan, herritar guztientzat Janen.
- martxoak 24, eguaztena, Kanta eta bertso eguna: kantaldia eta bertso saio didaktikoa ikasle guztientzat 4. eta 6. mailetako ikasleen eskutik, Jane Jauregian.Arratsaldeko 5etan, herriko plazan, herritar guztientzat
- martxoak 25, eguena, Kirol eguna: kirol ibilbidea patioan, Lehen Hezkuntzako ikasleentzat, 6. mailako ikasleen eskutik. Ondoren, euskal dantzen erakustaldia ikasleen eskutik. - martxoak 26, barikua, Jolas eguna: goizean, Txotxongilo saioa 4 eta 5 urteko zein 1. eta 2. mailako ikasleentzat, Agenda 21en eskutik.
11etatik aurrera, patioan, Jolas Eguna Haur Hezkuntzako ikasleentzat.

Hurrengo astean, egunez egun, ekintzen berri emango dizuegu blog honetan. Era berean, argazki zein bideoak jarriko ditugu.

Tipi-tapa, tipi-tapa, Rith

2010-03-12T03:39:00.000-08:00

Orain bi egun hasi da gaelikoaren aldeko 'Rith' izeneko jaialdia Belfasten, Korrikaren antzeko ekimena; 1.600 kilometro egin ondoren helduko da Galwayra asteazkenean. Euskal Herrian ospatzen den Korrika jaialdiaren antzekoa da Rith izenekoa. Korrika esan nahi du rith hitzak gaelikoz.

Informazio gehiago nahi baduzue:

Berria 2010/03/11

www.rith.ie

Inauteriak

2010-02-18T11:48:00.000-08:00

Pasa den barikuan, otsailak 12, inauteriak ospatu genituen gure eskolan. Aurtengo gaia historia aroak zen: haur hezkuntzakoak egiptoarrez mozorratu ziren; lehen ziklokoak, erdi aroko zaldun eta printzesa; bigarrenekoak, kobazuloetako gizakiak; eta hirugarren ziklokoak, erromatar.

Ohi legez kalejira egin genuen herrian zehar, eguraldiak baldintzaturik, aste honetan edurra eta guzti izan dugulako Ugaon. Beraz, kalejira laburra egin genuen, eskolatik Jaro kiroldegiraino, han eskeini baigenituen prestatutako dantza eta koreografia ederrak.

Ikuskizuna amaitutakoan, txokolate beroa eta bizkotxoak eskeini zizkiguten Guraso Elkartekoek. Bertan hasi zen disko-festak jarraipena izan zuen geroxeago herriko plazan.

Egun ederra pasatu genuen -bestela begitu argazkiak eskumako zutabean-.

Alkizako barnetegia

2010-02-05T02:36:00.000-08:00

Kaixo lagunok!

Gu 5.D1 mailako neska-mutilak gara eta pasa den astean (urtarrilaren 25etik 29ra) Alkizako Barnetegian egon ginen.
Han oso ondo pasatu genuen eta ekintza asko egin genituen: pelikulak filmatu, jolasak egin, futbolin txapelketak antolatu, irteerak, diskoteka, ...
Lagun berriak ere egin genituen, adibidez, Kaxinta, Martxelino, Kurrin-kurrin, ...
Gure helburua lortu genuela uste dugu, hau da, euskeraz hitz egitea eta primeran pasatzea.
Eskumako zutabean argazki batzuk ikus ditzakezue.

5.1 taldeko neska-mutikoak

Agate deuna

2010-02-05T02:23:00.000-08:00

Ohiturak agindu legez, atzo Agate Deunari eske eta kantuan irten ginen eskolako ikasle eta irakasleok. Eguraldi ezin hobea izan genuen bidelagun eta goizpasa ederra burutu genuen. Goizeko 9:00etan denok batera eskolako patioan abestu genuen. Ondoren, ziklo bakoitzak bere ibilibideari ekin zion.
Haur Hezkuntzakoak plazan eta oinezkoen aldetik ibili ziren 10etatik aurrera herritarrei goiza alaituz. Lehen eta Bigarren zikloko ikasleak batera ibili ziren: plazatik abiatuta ugaoko dorre osoa, jaro, san bartolome eta, atzera be, plazan kantatu zuten. Hirugarren ziklokoak, nagusiak izaki, inguruko auzuneetatik ibili ziren: beretxa, poligonoak, iturrigorrialde... txistuaren doinuaz kantari eta dantzari. Unerik hunkigarrienetako bat zaharren egoitzan izan zen, agure eta atso guztiak atarira urten eta hunkiturik umeen kantua aditu zutenean.
Hurrengo urtean berriro irtengo gara ohitura ez galtzeko asmoz.

Agate Deuna eguneko argazki bidezko bideoa

Siroka

2010-01-27T11:08:00.000-08:00

Siroka musika talde berri bat da. Bertan Gorka Chamorro Ugaoko laguna eta gure ikastolako ikasle ohia dabil bateria astintzen. Hona hemen grabatu duten lehen diskoa aurkezteko paraturiko bideoklipa. Gehiago jakiteko: http://sirokataldea.blogspot.com
On izan

British dessert, trifle

2010-01-14T01:11:00.000-08:00

Seigarren mailako ikasleek Britania Handiko postre tipiko bat egiten ikasi dute ingelera saioan. Ikasi eta egin. Egin eta jan, jakina! Oso gozo omen zegoen, zeren ez baitzuten apurrik ere utzi. Horren testigantza moduan, eta ea etxean egiten animatzen zareten, hemen duzue prestaketa prozesuaren bideoa (tire, ezta Argiñanok berak) On egin.

Seigarren mailako neska-mutikoak.

Itsasminez

2010-01-14T01:04:00.000-08:00

Atzo goizean Jane Jauregira joan ginen Itsasminez antzezlana ikustera. Lau eta bost urtekoak eta lehen eta bigarren mailakoak joan ginen.
Antzezlana oso polita izan zen eta asko gustatu zitzaigun.

Protagonista Argi zen eta osabak opari egindako karakola bati esker itsasoaren soinua entzuten zuen. Egun batean konturatu zen itsasoa gaixo zegoela, ez zela mugitzen ilargia haserre zegoelako. Eta ilargia haserre zegoen, berak lurraren eta itsasoaren alde lan egin arren, gizakiok ez ditugulako zaintzen, lurrean zein itsasoan zikinkeriak botatzen ditugu-eta.
Argik bere karakola eman zion ilargiari eta, horrela, haserrea pasatu zitzaion.

Antzezlan honi esker honakoa ikasi dugu: lurra eta itsasoa oso ondo zaindu behar ditugu.

Bost urteko neska-mutikoak

Urte berria, irratsaio berriak

2010-01-14T00:33:00.000-08:00

Urte berria hasi da eta berarekin gure eskolako irrati tailerreko saio berriak. Beti bezain interesgarri, beti bezain entretenigarri. Astero saio berri bat: elkarrizketak, ipuinak, txisteak, atal didaktikoak... Dena gure blogean.Oraingoan, hirugarren mailako neska mutikoek grabatu dute.

Irrati tailerreko arduraduna

Axa Mixa, urtarrilaren 11tik 17ra

2010-01-12T01:21:00.000-08:00

Astelehena 11: Ijitoen kultura. Miribilla eskolako haur hezkuntzakoak kanta batzuk abestuko dabez eta asmakizun eta txisteak Atxuritik helduko jakuz.
Mina del Morro eskolako lagunak ijitoen Kulturari buruz hitz egingo dabe.
Martitzena 12: Finlandia herria ezagutaraziko deusku bertakoa den neskato batek. Horrez gain “Azeria eta Putrea” ipuina entzungo dogu. Basurto eta Mujikakoak barrez lehertaraziko deuskue euren txiste xelebreekin. Doinuak, bertakoak, Amelie Filmakoak eta Bossa Nova erritmoa. Jarri belarria eta Gozatu!
Eguaztena 13: Gaur, Txurdinaga eskolako lagunak kolore eta ipuinei buruz berba egingo dabe. Ondoren, AxaMixaren bozeramaile den Ainhoak Porrotxi, Euskal Herriko pailazo barregarriari egindako elkarrizketa entzungo dogu.
Eguena 14: Hasteko, Martintxu izeneko gizon bati zer gertatu jakon jakingo dogu, jarraian, Txurdinaga eskolako lagunak euren gustuko aktibitateak aurkeztuko dabez eta Etxebarri eskolako lagunak Kintanan, Kanpamendu batean eta Exponaturan zer egin aben azalduko deuskue. Ondoren, Anuarek Marokotik Euskal Herrira etorri zanean euskera zelan ikasi eban azalduko dau. Amaitzeko jolas kanta batzuk entzungo doguz, euskeraz eta arabieraz.
Barikua 15: Gaur animali batzuk ezagutuko doguz. Hasteko, Txurdinaga eskolako 5 urteko gelako lagunak animali batzuei buruz hitz egingo dabe. Geroxeago, bi katuen ipuina entzungo dogu eta amaitzeko Etxebarri eskolako 6. mailako lagunak etxean dabezan animaliak aurkeztuko deuskuez.
Zapatua 16: Atzera entzungai, martitzeneko saioa
Domeka 17: Eguaztenekoa errepikatuko da

Axa Mixa, abenduaren 14tik 20ra

2009-12-14T06:05:00.000-08:00

Astelehena 14: Gure izarrak, Tiboliko Viuda de Epalza eskolako 3. mailako lagunak eta euren Ingelera irakaslea izango dira. Gosariaren garrantziaz hitz egingo dabe ingeleraz.
Martitzena 15: Tibolin jarraituko dogu gure lagunekin, eta oraingoan asteko egunak ingelesez eta euren abesti gogokoenak abestuko dabez.
Eguaztena 16: Tiboli eskolako lagunek haien eskola eta kanta batzuk aurkeztuko dizkigute ingelesez, Trapaga eskolako lagunek, berriz, ipuin eta txiste batzuk.
Eguena 17: Tiboli eskolako lagunek eskolako gela bakoitzean zer egiten den azalduko digute, ingelesez eta Trapaga eskolako lagunek txiste eta asmakizun batzuk.
Barikua 18: Ezagutzen al dozue Basurto Ospitalean dagoan eskola? Ba adi bazagoze, han dagozan umeen ahoz ezagutuko dozue; Julen, Braylin, Esti, Nelson eta Adrian. Guzti hau laguntzeko “Sendatu Naiz” abestuko dabe pailazo maitagarriek. Amaitzeko liburutegi bitxi batera txangoa egingo dogu, “La biblioteca del Cienpiés”, izenekora.
Zapatua 19: Ni zuek banintz, ez neuke saio hau galduko, esnatu, gosaldu eta Axa-Mixa piztu!
Domeka 20: Murgiatik hartz eta zomorroen inguruan hamaika istorio ailegatuko jakuz, erne ba!

Animals in their habitats

2009-12-10T03:21:00.000-08:00

Hello! We´re 5th level students. This is our English class project. You´re going to see our animals in their habitats.
We used different materials: boxes, plasticine, toy animals, tempera paint, paper …
Here you are! We hope you´ll like them!!!
Kaixo! 5. mailako ikasleak gara. Hau da gure ingeles gelako proiektua. Gure animaliak beraien habitetan ikusiko dituzue.
Material desberdinak erabili ditugu: kutxak, plastilina, jostailuzko animaliak, tenpera, papera …
Hemen daude! Zuen gustokoak izatea espero dugu !!!

Bosgarren mailako ikasleok

Keep healthy

2009-12-10T03:06:00.000-08:00

Hello! We´re 3rd level students. When we finish classes, we do some exercise to keep healthy and we enjoy a lot !!!

Kaixo! 3. mailako ikasleak gara. Klaseak bukatu ondoren, kirola egiten dugu osasuntsu egoteko eta oso ondo pasatzen dugu!!!

Hirugarren mailako ikasleok

Elkarbizitza logo lehiaketa

2009-12-10T02:55:00.000-08:00

Kaixo lagunok!
Badakit artistak zaretela, beraz, lehiaketa hau zuentzat egina dago. Gure ikastetxea “elkarbizitza proiektuan” murgilduta dago eta proiektu honek logotipo bat behar du. Beraz, zuen eskuetan uzten dut asmakuntza hau. Hasi marrazten eta gabonen ostean, klasera eraman (logotipoa zer den jakiteko gelan duzue azalpen orri bat)

Lehiaketaren oinarriak:
-Helburua: Gure ikastetxeko elkarbizitza logotipoa sortu.
-Gaia: “Eskolan gustura”.
-Epaimahaia: gela bakoitzetik 2.
-Partehartzaileak: Eskolako bigarren eta hirugarren zikloko ikasle guztiak.
-Epea: 2010eko urtarrilaren 14tik 2010ko otsailaren 11ra arte.
-Arauak: Lanak eskuz nahiz ordenagailuz egindakoak izango dira, elkarbizitzari dagozkion marrazkia eta hitz esanguratsu batzuk edota ikur-hitzak barne dituztelarik.
-Tutoreari entregatu logoa edo irudia.
-Sariak: Irabaziko duen LOGOa, epaileen erabakia jakiten dugunetik, proiektu honek egingo dituen idazki guztietan agertuko da. Irabazleak primerako saria, oraindik erabaki gabe dagoena, jasoko du.

Bergoi Ituiño
Elkarbizitza proiektuko arduraduna

Axa Mixa: abenduaren 7tik 13rako programazioa

2009-12-09T01:57:00.000-08:00

Astelehena 7: Ilargiari buruzko olerki bat entzungo dogu, Inmak kontatua, Antton Irustaren Izarrak ipuinarekin jarraitzeko. Pagasarribide eskolako ikasleak erlijioari buruz mintzatzen dira eta Basurto eskolakoak etikako irakasleari egingo deutsie elkarrizketa xelebrea.
Martitzena 8: Antton Irustak, idazle eta ipuin kontalariak, “Haizea eta Eguzkia” ipuina azalduko deusku eta Nellyk galdera sortatxoa egingo deutso.Eta gainera, olerki eta txiste ederrak gero!
Eguaztena 9: Ugao eskolako lagunak piraten mundua agertuko dabe ipuin batekin. Honetan, bildurra uxatzeko aholkuak emongo dabez. Gallego Gorria eskolako haur hezkuntzako lagunak ere, zeren bildur diran ere esango deuskue. Ondoren, Ugao eskolako 6. mailako ikasleak Saharatik etorritako lagun barriari egindako elkarrizketa entzungai izango da. Txiste batzuk eta “euskara hobetzen” saioaren atal barria, ere bai.
Eguena 10: Ugao eskolako lagunekin bertsolaritzan murgilduko gara. Gurekin izango dira Murgia institutuko lagunak, baita Cervantes eskolakoak ere.
Barikua 11: Unibertsoari buruz ikasi dabezan kontuak azalduko deuskuez, ilargi eta eguzkiri buruzko kanta batzuekin….. Geroxeago, musika eskolako irakasle bati egindako elkarrizketa entzungo dogu.
Zapatua 12: Gaur eskola berri bat ezagutuko dugu: Bilboko Zurbaran auzokoa, hain zuzen ere. Han, komunikazio tailerra, agenda 21 eta komiki tailerra zelan egiten dabeen azalduko deuskue. Agur batzuk botako dabez hizkuntza desberdinetan. Camacho eskolako lagunak ere, kanta batzuk aurkeztuko dabez.
Domeka 13: Zurbarango lagunak, zoriontasuna, lagunak, dibertitzea eta abar zer diran azalduko dabe. Mina del Morro eskolako lagunekinere egongo gara. Doinu alaia lortzeko, fanfarre batzuk entzungo doguz Belgika eta Errumaniako kaleetan dabiltzanak

Ugao eskolako irratia FM bidez, 97.00

2009-12-04T06:16:00.000-08:00

Axa-Mixa (http://www.axamixa.blogspot.com/) izeneko saioa da Tas-Tas irrati librean umeentzako egiten den irratsaio bat da, Bizkaiko eskoleekin elkarlanean. Egitasmo honetan parte hartzeko gonbita BIGEren eskutik heldu zaigu eta, gure eskolan irrati tailerra daukagunez, arduradunekin jarri gara harremanetan. Guk egiten ditugun saioak -blog honetan entzungarrieta jesitesko moduan daudenak-entzun eta oso onak direla esan digute, bai teknikoki nola edukiei dagokienez -elkarrizketak, euskara hobetuz...- Hori dela eta, ikasleek grabaturiko saioak hasiko dira emititzen FM irratian abenduaren 9tik aurrera. Astez asteko Axa-Mixaren programazioa gure blogean jarriko dugu.
Entzuteko ordutegiak eta diala hauexek dira: Tas-Tas irratia, FM 97.00, astelehentik ostiralera goizeko 8etan eta zapatu eta domeketan goizeko 10etan.
Hemendik aurrera Ugao eskolaren irratia FM uhinetan!

www.ugaonikasi.blogspot.com
http://www.axamixa.blogspot.com/

Tas-Tas irratia, 97.00 FM

Mandoia mendira irteera

2009-12-01T06:07:00.000-08:00

Azaroaren 22an gure eskolako Guraso Elkarteak Ugaoko Mendi Taldearen laguntzaz Mandoia mendira irteera bat antolatu zuen. Pila bat ume eta nagusi joan ziren eta, egia esan, ederto pasatu zuten, eguraldia lagun.
Guraso Elkartetik egun horretako argazki polit batzuk helarazi dizkigute gure blogean eskegitzeko (eta, bide batez, ea gehiago animatzen garen hurrengorako)
Eskumako zutabean aurkitu ditzakezue.

Guraso Elkartea

Arte Ederretako museoa

2009-11-24T05:57:00.000-08:00

Azaroaren 18 eta 19an hirugarren eta laugarren mailako ikasleok Bilboko Arte Ederretako museora joan ginen. Han margolanaki kusi genituen.
Lehenengo lanak kolore ilunak zituen eta bigarrenak kolore argiagoak.
Hirugarren margoan antzinako jaiak ikusi genituen eta beraien arropak ere aztertu genituen.
Hurrengoa oso modernoa zen.
Ez genituen margolanak bakarrik ikusi, eskulturak baita ere.
Margolan eta eskultura gehiago ikusi genituen baina ez genituen aztertu.
Museoaren ondoan parke polit bat zegoen. Parke horretan denbora pixka batean egon ginen jolasten eta gero Ugaora trenez itzuli ginen. Gure ustez oso interesgarria izan zen irteera, dena dela dibertigarriena aisaldia.

Hirugarren eta laugarren mailako neska-mutikoak

Mercabilbaora bisita

2009-11-24T01:34:00.000-08:00

Atzo 6.mailako ikasleak Merkabilbaora joan ginen eta Ainhoa izeneko monitorearekin bizita egin genuen. Bertan, datu orokor batzuk eman ostean, pabeioi desberdinetatik (hozkailu naguzia, fruta eta barazkiena, fruta exotikoena, bananena, arrainena) ibilbidea egin genuen.Gauza asko ikasi genuen:fruta eta baraskiak nola mantentzen diren,handizkariak eta txikizkariak nortzuk diren,produktuen banaketa prozesua, fruta exotikoak, arrain motak, arrainak itsasotik platerera egiten duen ibilbidea.
Bi kiloko laranja poltsa bat eman ziguten eta bisitari amaiera emateko arrain pintxo gozo gozo bat jan genuen.PRIMERAN PASA GENUEN!!!

Seigarren mailako neska-mutikoak

Gugemheim museoan

2009-11-13T02:14:00.000-08:00

Hilabete honetako 10 eta 12ean, Guggemheim museora joan ginen lehen eta bigarren mailako ikasleak. Bertan bisita gidatu bat egin genuen eta estilo desberdinetako obrak ikusi genituen. Museoa polita da eta bertan dauden obrak ikusgarriak, baina gehien gustatu zitzaiguna gu artista bihurtu ginenean izan zen. Barne aldean zegoen gela batean sartu eta gu geu hasi ginen artea sortzen. Ahaztezina izan zen. Ez baduzue sinesten begiratu bideoa.

Astotxoren bisita

2009-11-11T06:01:00.001-08:00

Gaur goizean eskolako pasabidean Astotxo topatu dugu. Hau sorpresa ederra! Bere bisitare arrazoia galde egin dioguenan, umeei euskaraz gehiagotan egin dezaten animatzera etorri dela esan digu.
Dena den, hemen duzue Astotxori egin diogun elkarrizketa entzuteko modua.

Zinemara joan gara

2009-11-03T07:04:00.001-08:00

Aurreko barikuan, urriaren 30ean, lehen eta bigarren mailetako ikasleok zinemara joan ginen, Bilboko Capitol zinema aretora hain zuzen ere. Han Lotte izeneko pelikula ikusi genuen. Hona hemen sipnosia: Europako txoko batean, itsaso handi baten ertzean, herri txiki bat dago. Bertako herritarrei aparailuak asmatzea gustatzen zaie eta urtero asmakizun berrien lehiaketa antolatzen dute.

Eta orain, ikasleen iritziak:

- TXAKUR BAT SEGOEN JUDO IKASI SUEN ETA KATU BATEN LAGUNA ZEN.
- OSO POLITA ISAN DA. LOTTEK JUDO IKASI SUEN ETA BERE LAGUNAK ERE. HORRELA TXAPELKETA BAT IRABASI SUTEN JAPONIAN. AGUR ETA MUSU BAT.
- OSO POLITA ISAN SEN. JUDO EGITEN ZUTEN DEFENDITXEKO, ETA TZAPELKETA BAT IRABASI SUTEN
- OSO POLITA ISAN SEN. TXAKUR BAT SEN, 3 LAGUN DAUKA: KATU BAT, UNTXI BAT ETA ERRLE BAT. ETA JOAN SIREN ERRI BATERA ETA IKASI SUTEN JUDO. AGUR GUSTIORI
- OSO POLITA IRUDITU SITZAIGUN. TXAKUR BATI BURUS SIJOAN, LAGUNAK UNTXIA, KATUA ETA ERLEA SIREN. JUDO EGITEN IKASI SUTEN ERLEAK IRAKATZI SIELAKO.
- GUSTATU SAIGU PELIKULA, JUDO IKASI ZUTEN TORNEO BAT EGITEKO ETA TSAPELDUNA LOTTE IZAN ZEN.
- POLITA IZAN ZEN. NIRETZAT BE BAI, ASKO GUSTATU ZITSAIDAN. NIRI GEIEN GUSTATU SITXAIDANA LOTTE ISAN ZEN ETA BERE LAGUN GUSTIAK. NIRETSAT IMAJEN POLITENA JUDOA EGITEN SUTENEAN ETA ERLEA AGERTSEN SENEAN IZAN ZEN. AGUR ETA MUSU ANDI BAT GUSTIOI

(Barka akats ortografikoak, oraindik lehen mailan gaude eta)

Udal Liburutegira bisita

2009-10-28T07:42:00.000-07:00

Pasa den asteazkenean, urriaren 21an, 1. mailako ikasleak udal liburutegira joan ginen. Bertan liburuen unibertso zoragarria ezagutarazi ziguten ipuin eta kanten bitartez.
Irakurtzea aspergarria dela uste genuenok horri buruzko gure ikuspegia aldatu dugu.
Eskerrak eman nahi dizkiegu gurekin egon ziren liburuen unibertsoko gidariei eta oso ondo pasatu genuela esan nahi diegu.
Liburuen unibertsoa harrigarria da benetan!!!!

Lehen mailako neska-mutikoak

Ikasturte honetako lehen irratsaioa

2009-10-22T03:58:00.000-07:00

Kaixo, lagunok.
Espero baino beranduago izan bada ere, hona hemen ikasturte honetako estreineko irratsaioa, seigarren mailako ikasleen eskutik. Hemendik aurrera, astero-astero, irratsaio berri bat jarriko dugu entzungarri bariku goizean (ikasgelan, etxean edota zuen lagunen etxean entzun dezakezue blog honen bidez)
Aurten atal berriak ditugu irratian, adibidez, Okerrak zuzenduz, ikasleok egiten ohi ditugun akatsak zuzentzeko gomendio eta erabilera zuzenarekin. Beraz, adi! eta euskara zuzena erabili.
Bestetik, igarkizunen atala bultzatu nahi dugu. Hori dela eta, hilean behin zozketa bat egingo dugu igarkizunak asmatu dituztenen artean, sariak liburuak, musika cdak, pelikulak, bideojokoak... izango direlarik. Animatu zaitezte eta parte hartu, zure irakasleak betetzeko orria du, eska iezaiozue.
Eta beti bezala, blogaren helbide elektronikoan - ugaonikasi@gmail.com- utzi ahal dituzue gure irratia hobetzeko zuen iradokizunak.
On izan eta hurrengo astea arte.

Irratiko arduraduna.

Irratia laster martxan berriro

2009-09-23T01:05:00.000-07:00

Dagoeneko hasi gara ikasturte honetako irrati saioak antolatzen eta laster blog honetan entzungarri izango dira.
Hain zuzen ere, urriaren 15ean hasiko gara saio berriak igotzen eta, beti bezala, nagusienekin hasiko gara grabatzen.
Beraz, aurreko ikasturtekoak entzuteko azkenego aukera duzue egunotan, berehala ezabatuko baititugu berriei tokia egiteko.
Gogoan izan, urriaren 15etik aurrera, ostegunero, irrati saio berri bat Ugao eskolaren blogean.
A, eta kometatu zure lagunei, izeko-osabei... denek gure irratia entzun dezaten

Irrati tailerraren arduraduna

Ikasturte berria hasi da

2009-09-10T02:37:00.001-07:00

Ikasturte berria hasi da, bai horixe!
Urte bat handiagoak gara, maila bat gorago gaude, pila bat kontu berri ikasteko gogoberriturik gatoz... Eta blog honetan, lehengo urtean hasitako bideari ekinez, horren guztiaren berri utziko dugu.

Berehala hasiko gara gauzatzen ditugun ekintzen kronikatxoak idazten, argazkiak eskegitzen, irratsaio berriak grabatzen eta entzungarri jartzen...
Ondo pasa jaietan eta ez ahaztu lantzean behin zure blog honetara bisitatxo bat egitea.

Laster arte.

Azken irratsaio berezia.

2009-06-15T11:07:00.000-07:00

Ikasturtea amaitzen ari da eta gure irratsaioak ere. Urtean zehar hainbat talde pasatu dira gure estudiotik haien saioak grabatzera. Azkenengoak 3. mailakoak izan dira (11. eta 12. saioak)

Baina ezin dugu aurten estreinatu dugun esperientzia hau edozelan agurtu. Horregatik, azken irratsaioa berezia izango da. Berezia, berez, irratsaio bat ez delako, laugarren mailako neska mutikoen kanta bi baizik.

Eta zergatik hau? Denok dakizuenez gure ikastetxean euskararen erabilera suspertzeko hainbat ekintza burutzen dugu, haien artean honako hauek: bertsolaritza, 6. mailako bertsolari gazteen eskutik; antzerkigintza, 5. mailko aktore sasiprofesionaleekin; eta kantagintza 4. mailako ahots ederrei esker. Baina gure ikastetxean bakarrik gera ez dadin, beste ikastetxeetara joaten gara gure ikuskizunak eskeintzera. Aurten Antzerkigintzakoak Arrigorriagara joan dira eta bertsolariak Basauriko bi eskoletara. Kantagintzakoak aurten ezin izan dira joan eta, horregatik, goiz batean, musika-gela musika-estudio bihurtu eta kantu pare bat grabatu genituen euren trebetasunaren lekuko. Gure irrati aparailuan dituzue entzungai: Lau aeroplano Bermeoko kantua eta Eperra ziberutar doinua.

Eskola Agenda 21eko Udal Foroa. Aurkezpena

2009-05-22T06:09:00.000-07:00

Eskolako Agenda 21eko Foroaren lan saioa ospatu zen maiatzaren 18an Udaletxean. Saio honekin bukatzen dira 2008-2009 ikasturtearen Eskola Agenda 21eko ekitaldiak.
Ekataldi honetan 6. mailako ikasleek, Eko-ordezkariek, Udaletxeko arduradunek eta eskolako zuzendariak zein Agenda 21eko koordinatzaileak parte hartu zuten.
Ekitaldian aurtengo kutsoaren zehar egin diren lanak azaldu zituzten Eko-ordezkariek powerpoint baten bidez.
Amaitzeko, eta agurtutakoan, Udaletxeko arduradunek batidoa eta gozopil bana eskeini ziguten. Eskolaren izenean, Zuzendariak Karpetak
banatu zituen.
Nahiz eta aurtengo ekintzak bukatutzat eman, gure asmoa kontsumoarekin jarraitzea da, bidea zabaldu baino ez dugu egin eta.

Eskerrik asko.

Eskola Agenda 21ko arduraduna

Aupa Athletic, geuria!

2009-05-13T04:49:00.000-07:00

Gaur gure ikastetxean, Bizkai osan legez, Euskal Herri osoan bezala, zurigorriak gara. Ikasleak, irakasleak, jantokiko langileak... denok gure Athleticegaz bat. Giro itzela dago. Bestela, begira argazkiei.
Aupa Athletic, zu zara nagusia!
Garaipena gurea da!

English class' robots

2009-05-12T02:12:00.000-07:00

Hello, boys and girls!
Hirugarren mailan errobotoak egin ditugu ingeles gelan. Oso ondo pasatu dugu errobotak egiten. irudimen handia dugunez, oso politak atera zaizkigu, den-denak ezberdinak: handiak, hiperhandiak, txikiak, megatxikiak, koloretsuak, karratuak, biribilak...
Ah, eta errobotak egin bitartean ingelesa pila ikasi dugu, bestela, irakurri, irakurri...

- We used paper, carboard, reclycling materials, stikers, clips, pens...
- We enjoyed a lot, it's fantastic!
- Here you have our photos.

Hirugarren mailako neska-mutikoak

Urkiolako parkean

2009-05-04T06:03:00.000-07:00

Apirilaren 22an 3. mailako ikasleak eta 29an 4. mailakoak Urkiolako parke naturalera joan ziren. Hona hemen euren kronikak.

Hirugarren maila

Apirilaren 22an gure eskolako hirugarren mailako neskak mutikoak Urkiolako Parke Naturala ezagutzera joan ginen. Irteeraren helburu orokorrak hauek izan ziren:

- Babesturiko natur guneen garrantzia ezagutzea.

- Urkiolako Parke Naturaleko ingurua ezagutzea.

- Parkeko zuhaitz eta animaliak ezagutzea.

- Ingurunearekiko begirunezko portaera sortuko duten baloreak eta jarrerak bultzatzea.

Ondo bete ditugula esan dezakegu.

Hasieran Toki Alai parkeko interpretazio zentrora joan ginen erakusketa bat ikustera. Hango ekosistema, fauna, landaretza eta mitologia erakutsi zizkiguten.

Erakusketan ikusentzunezko bat, hiru dimentsiotako maketak, pantaila interaktiboak eta azalpenak ematen dituzten panelak zeuden. Material honen laguntzaz eta ikasleentzat prestaturiko fitxa batuen bidez landu genituzten prestatutako edukiak.

Gero kanpoaldeko jarduerak egiteko aukera izan genuen: ibilbide didaktiko bat eta mitologiari buruzko tailer bat.

Orokorrean baliogarria izan dela uste dugu, gelako programazioarekin lotuta dagoelako.

Laugarren maila

Apirilaren 29an Urkiolako Parke Naturalera joan ginen Igor, Arantza eta Garbiñerekin. Han bi talde egin genituen, batzuk Alainekin jaon ginen eta besteak Susanarekin. Alain eta Susana bertako irakasleak dira.

Urkiolan ibilbide bat egin genuen, oinatzak, lumak... ikusi genituen.

Pelikula batean Anboto nola azaleratu zen ikusi genuen eta zenbat animalia dagoen ere.

Beste jolas bat kutxa majikoarena izan zen: kutxaren barruan eskua sartu eta barruan zegoena asmatu behar genuen.

Hamabiak aldera hamaiketakoa hartu genuen: sagarrak, zerealak, galletak etab. ordu biak aldera bazkaldu genuen: pernil eta solomozko bokatak.

Geroxeago, denbora librea izan genuen, ordu bat edo, jolasteko.

Azkenik, Ugaora itzultzeko autobusa hartu genuen. Ia denak zorabiatu egin ginen eta botaka egin genuen.

Halere, oso ondo pasatu eta asko ikasi genuen.

3. eta 4. mailetako neska-mutikoak

Irratia berriro martxan

2009-04-20T06:48:00.000-07:00

Oporraldia aurretik, arazo batzuk zirela medio, irratsaio gehiago grabatzeari utzi genion. Lasai, berriro gabiltza martxan! Bariku honetan hasiko gara saio berriak grabatzen, hain zuzen ere, bigarren mailako ikasleekin. Beraz, aurki blogean entzungarri txiste berriak, albisteak, irrati-nobelaren jarraipena, elkarrizketa gehiago...
Ez hutsik egin eta eskolako irratia entzun blog honetan.

Irratiko arduraduna.

Kirol eta jolas eguna

2009-04-20T04:33:00.000-07:00

Eta astea amaitzeko, barikuan kirol eta jolas eguna ospatu genuen.
Lehen Hezkuntzako ikasleak 9:30etatik 11ak arte ibili ziren jotake kirolean, izerdi patsetan norgehiagoka... seigarren mailako ikasle-epaileen ardurapean: soka-tira, lokotxak, harri jasoketa, txingak, boloak, haur-probak, hankak lotuta korrika... Ederto pasatu zuten.
Eta nagusienek amaitutakoan, Haur Hezkuntzako ikasleen txanda izan zen: jolasak. Txikiek primeran pasatu zuten: txingak, zaku lasterketa, patinete lasterketa, boloak, goilararena... eta, bai horixe, motorrentzako zirkuitua bi urtekoentzat.
Azkenean, Astotxok bisita egin zien txikiei eta haiekin hitz egin eta kantatu egin zuen. Baita gogorarazi euskaldun egiten gaituena euskara dela eta, beraz, egunero-egunero, goiz eta arratsaldez, euskaraz hitz egin behar dugula.
Egun horretan ez zen arratsaldez eskolarik egon eta, bazkal ostean, UDABERRIKO OPORRAK HASI ZIREN... IUUUUPI!!!

Astotxoren lagunak

Zirko eguna

2009-04-02T04:33:00.000-07:00

Gaur zirko eguna ospatu dugu. Sebastopoleko Titiriteroak goizean goiz etorri eta eskolako patioa zirko erraldoi bihurtu dute. Lehoiak eta elefanteak falta ziren bakarrik, baina berdin, piztia ugari dago gure ikastetxean, kar, kar, kar...
Goiz osoan zehar bertatik pasatu dira ikasle eta irakasle guztiak, txikienetatik handienetara. Denontzako tokia eta tailerrak egon dira: puzgarri bi, futbolin erraldoi bat, xake joku erraldoia, xaboi-ponpa erraldoiak egiteko tramankuluak -jope, dena erraldoi-, esku lanak egiteko mahaia... eta, jakina, koltxoneta elastikoak, hankapaluetan edota pilota erraldoiaren gainean ibiltzen ikasteko tresneria, alanbrearen gainetik ibiltzekoa, malabareak egiteko ikastarotxoa, arku jaurtiketarako eremua....
Ikusten duzuenez, denetarikoa. Ah, eta titiriteroak oso atseginak eta jatorrak. Hau bai zirko, hau bai goiz entretenigarria! Primeran pasatu dugu.

Astotxoaren lagunak

Korrika Txikia

2009-04-02T03:45:00.000-07:00

Gaur, asteazkenean, Korrika Txikia ospatu dugu herrian.
2:45etan irten gara eskolatik eta herri osoa zeharkatu ostean plazara heldu gara festa giro ezin hobean. Lekukoa eta ikurriña maila bakoitzeko ikasle bik eraman dute eta handitik txikira joan gara, hau da: 6. mailakoek eskolan hartu dute lekukoa -eta, beraz, ibilbide osoa burutu dute-; futbol zelai ondoko zubian 5. mailakoek; onodren 4.ekoek... eta horrela postetxe aurrean bi urteko txikiek hartu duten arte.
Plazan jailadia egin dugu: Txikienak ikusle izan dira eta LHko talde guztiek zerbait prestatu dute.
Lehen mailakoek Tirri-tarra abestia kantatu dute; bigarrenekoek, Ilargia; hirugarren mailakoek Etxea eraiki egin dute; laugarrenekoek, berriz, gelaka egin dute, Eperra eta Bermeoko portuan; bosgarren mailakoek koreografia polit bat Txis Pun Korrika kantarekin; amaitzeko, seigarren mailakoek bertso saio ederra eskeini digute.
Baina astea oraindik ez da amaitu. Bihar bertan, titiriteroak etorriko dira eta zirko tailer handia jarriko dute eskolako patioan eta barikua kirol eta jolas eguna izango da.
Eta ez ahaztu, zapatuan eguerdian KORRIKA 16 helduko da Ugaora. Goazen denok korrika....

Astotxoren lagunak

Antzerki eguna

2009-03-31T13:18:00.000-07:00

Kultur Asteko bigarren eguna pasatu da. Gaur antzerkiari dedikatu diogu.
Orain urte batzuk hasitako bideari jarraiki, bosgarren mailako ikasleek antzezlan pare bat prestatu dute guztiei eskeintzeko: "Itsuak" eta "Erregearen froga". Oso dibertigarriak izan dira biak, eta ikuslegoak horrela aitortu die antzezleei.
Egun osoan zehar gure ikastetxeko ikasle guztiak Jane Jauregira etorri dira antzezlanaz gozatzera -tire, guztiak ez, bi urtekoak ez baitira etorri- Arratsaldeko bostetan, berriz, herri osoari zabaldu diogu ikusteko aukera -bai horixe; orain urte batzuk antzezleen gurasoak baino ez ziren etortzen, baina, egun, horiez gain, auzokoak, lagunak, herritarrak... datoz-. Guztira lau funtzioi egin dituzte, lau!!! Hau bai profesionaltasuna.
Hemen dituzue argazki batzuk. (argazkilaria Maisu Goio)

Astotxoren lagunak

Literatura eguna

2009-03-30T15:04:00.000-07:00

Gaur, astelehenean, Kultur Asteari emateko Literatura eguna ospatu dugu. Alde batetik, 1. mailatik 5. mailara arteko ikasleok talde txikitan elkartu gara -maila ezberdinetakoak- eta ipuinak asmatzen ibili gara. Oso kontu polita izan da, nagusiak eta txikiak denok batera... gero ipuinak irakasleei eman dizkiegu zuzen ditzaten eta asteazkenean elkartuko gara berriro garbira pasatzeko eta marrazki ederrez apaintzeko. Hau egindakoan, ikastetxeko hormetan eskegiko ditugu denek irakurri ahal izateko.

Eta zergatik ez dira seigarren mailako neska mutikoak egon? galdetuko diozue zeuen buruari. Bada, eurek irakurri duten liburu baten idazlearen bisita jaso dutelako: Antton Irusta. Oso ondo pasatu dute, euren galderei erantzuteaz gain, eurekin ipuinak asmatzen eta antzerkitxoak egiten ibili delako.

Kultur Asteko lehen eguna primeran pasatu da.

Astotxoren lagunak

Kultur Astea 2009

2009-03-29T03:38:00.001-07:00

Badator Kultur Astea. Badator Korrika 16.
Urtero bezala, martxoaren 30etik apirilaren 3a arte Kultur Astea ospatuko dugu eskolan ere. Aurten, gainera, bi urterik behin gertatzen den bezala, Korrikarekin batera, oraingoa 16.a (korrikaren kanta eta bideoa hemen).
Hemen daukazue aste honetan egingo ditugun ekintzen zerrenda luzea.
Blog honetan egunero jarriko ditugu egun horretako ekitaldien kronika eta argazkiak. Beraz, egunero sartu blogean.

Literatura eguna (martxoak 30, astelehena)
Goizean 1. mailatik 5. mailara arteko ikasleak, taldeka, ipuinak asmatu eta idatziko dituzte.
6. mailakoek Antton Irusta idazlearen bisita jasoko dute.
Haur Hezkuntzan, Astotxoren bisitaldia.

Antzerki eguna (martxoak 31, martitzena)
Egunean zehar antzerki lan bi ikasle guztientzat
5. mailako ikasleen eskutik, Jane Jauregian.
Arratsaldeko 5etan, herritar guztientzat Janen.

Korrika Txikia (apirilak 1, eguaztena)
Goizean ikasleek asteleheneko ipuinak garbira pasa eta marrazkiz apainduko dituzte.
Eguerdiko 2:45etan, KORRIKA TXIKIA. Ibilibidea (6. mailatik 2 urtekoen gelara): Eskola – Txuma aseguruak – Parke berdea – Tren geltokia – Gorelec – Benito taberna – Charter – Ermita – Plaza – Anbulatorioa – Parke berdea
Ondoren, parke berdean, ikasleen ikuskizuna: karaokea, kantak, bertsoak...
Jarraian, haur berbena “Gramola” dantzaldiarekin.

Zirko eguna (apirilak 2, eguena)
Goiz osoan zehar zirko tailerra eskolako patioan Sebastopoleko Titiriteroen eskutik.

Kirol eguna (apirilak 3, barikua)
Goizeko 9:30etatik 11ak arte, Lehen Hezkuntzako ikasleentzat herri kirolak eskolako patioan seigarren mailako ikasleen eskutik.
11etatik 12:30etara jolasak Haur Hezkuntzako ikasleentzat. Ondoren, Astotxoren bisita.

Lapurreketako barnetegia

2009-03-25T02:13:00.000-07:00

(Arazo teknikoak direla eta, atzerapenaz bada ere, hona hemen 3. mailako ikasleek barnetegiari buruz egindako kronika)

Astelehenean, 9:30etan, plazan elkartu ginen 3. mailako umeak Lapurreketara joateko. Autobusa hartu genuen 33 ikaslek eta 3 irakaslek ondo pasateko asmoz.
Hamaiketarako Lapurreketan geunden, han lehenengoz maletak utzi eta baserriko antolamenduari buruzko pelikul aba t ikusi genuen. Ekintzak hiru egunetan banatu ziren.

Lehen eguneko ekintzak: interpretazio arloa Zumeltzan, nekazari arloa eta label arloa. Arratsaldean Zumeltza aireportua eta bere historia ezagutu genuen. Era berean, zuhaitz mota batzuk ikusi genituen. Azkaldu eta gero, landareak eta abereak ere ezagutu genituen.
Gauean jolas batzuk eta gero ohera.

Bigarren egunean goizean errezeta batzuk ikasi genituen: erroskillak eta bizkotxoa. Arratsaldean Koikili futbolariaren herrira –hau da, Otxandiora- joan ginen. Bulkano taldearen zelaian egon ginen. Bidetik mugarri bat ikusi genuen. Aintzinean mugarriak erabiltzen ziren herrien mugak non zeuden adierazteko, kasu honetan, Otxandio eta Dimaren artekoa.
Ibili, azkaldu eta afaldu ondoren gorputza mugitzera diskotekara.

Hirugarren egunean taloa eta gazta egiten ikasi eta dastatu egin genituen. Eta, noski, abereei janaria eman genien. Bazkaldu ondoren Ugaora itzuli ginen.

Horrela bukatu zen gure irteera. Hoberena gure arteko harremanak indartu egin ditugula. Orokorrean oso ondo pasatu dugu… hobeto esanda, PRIMERAN!!!
Eskerrik asko gurekin etorri ziren irakasleei. Rakel, Maria eta Ainhoa.

3. mailako neska-mutikoak

Sukarrietako barnetegia

2009-03-25T01:45:00.000-07:00

(Arazo teknikoak direla eta, atzerapenaz bada ere, hona hemen 4. mailako ikasleek barnetegiari buruz egindako kronika)

Gu laugarren mailako ikasleak gara eta martxoaren 2tik 6ra Sukarrietako barnetegira joan gara. Sukarrietako egoitza Urdaibain kokatuta dago.
Gu hiru irakaslerekin joan gara: Garbiñerekin, Igorrekin eta Arantzarekin.

Han gauza asko egin ditugu: errekara joan eta erreka aztertu; berziklatutako materialak erabiliz jostailuak egin; madalena gozoak prestatu eta jan, noski; zuku naturalak egin; jolastu, lagun berriak egin eta abar luze bat.
Hango irakasleekin kutsadurari buruzko gauza asko ikasi dugu eta konturatu egin gara natura oso txarto dagoela eta guztion esku dagoela bera zaintzea.
Baita ere konturatu gara Bizkaian egunero 1.000.000 kilo zabor sortzen dugula, hau da, hilean 30.000.000 kilo eta urtean 365.000.000 kilo zabor dagoela eta hau arazo handi bat da.

Baina dena ez da ikastea izan, denbora libre nahikoa izan dugu eta asko jolastu gara eta lagun berriak egin ditugu, gurekin beste hiru eskolatako ikasleak izan baitira: Basauriko Lope de Vegakoak, Etxebarriko San Antoniokokoak eta Muskizeko Muskiz eskolakoak.
Hango gure irakasleak Bermeokoak ziren.

Sukarrietako egoitzan sorgin bat zegoen: Mari Suka. Arratsalde batean bokatak ostu zizkigun eta gau batez aurpegia margotu zigun.

Ederto pasatu dugu!

4. mailako neska-mutikoak

Metroa eta EITBra bisita

2009-02-25T09:28:00.000-08:00

Atzo, otsailak 24, seigarren mailako ikasleok metro eta EITBra joan ginen. Goizeko 8:23etan hartu genuen trena. Lehenengoz metroaren egoitzara joan ginen, han metroari buruzko bideo bat ikusi genuen: historian nolakoa izan den, noiz sortu zen... Ondoren metroak kontrolatzen diren tokira joan ginen, han metroaren ibilbide osoa ikusi ahal izan genuen kamaren bidez eta baita nola lan egiten zuten ikusi genuen ere. Geroxeago, bidai bat egin genuen metroan eta taldeka kabinara sartu ginen. Bertan zelan gidatzen den ikasi genuen. San Mameseko geltokian jeitsi ginen eta EITBra joan ginen.

Lehengoz, EITBko egoitza ezberdinak erakutsi zizkiguten: nolakoak ziren, zer zegoen bakoitzean, zer egiten zuten... Ondoren, Euskadi Irratiko estudioetan izan ginen. Han ordu erdi inguru izan ginen programa bat zelan egiten zuten ikusten. Azkenik, komunikabideei buruzko jolas bat egin genuen.

Goiz osoko txango interesgarria amaituta, 14:20etan trena hartu genuen Ugaora itzultzeko.

Seigarren mailako neska-mutikoak.

Inauteriak

2009-02-23T11:37:00.000-08:00

Bariku arratsaldean ospatu genituen inauteriak. Dakizuenez, aurtengo gaia urtaroak izan da eta, beraz, horrela joan dira ikasleak mozorraturik.
- Txikienak, hau da, Haur Hezkuntzakoak, udaberriz: loreak, lorezainak, tximeletak, marigorringoak...
- Lehen ziklokoen mozorroa udazkena izan da: hostoak, onddoak, mahatsak, haizea, hodeiak...
- Bigarren ziklokoei negua egokitu zaie: pinguinoak eta eskimalak (iglua eta guzti)
- Nagusienak, hirugarren ziklokoak hain zuzen, udaz mozorraturik joan dira: antigoaleko bañisten gisa ibili dira pilota, kubotxo, flotagailua eta tramankulu guztiak zeramatzatela.

Hirurak jota, kalejira ederra hasi zen Leitokin; hortik abiatuta eta herri osoa zeharkatu ondoren, plazara heldu eta ikuskizunerako prestatu ziren. Ederto ibili ziren ume gutziak; zer esanik ez, euren maisu eta andereñoak. Dena kolore, dena erritmo, dena poztasun...
Han inguruan, ehunka guraso eta herritar jaialdiari adi, argazki eta bideokamarei kea zerielarik.
Prestatutako dantzak bukaturik, dantzaldia eta txokolatea.
geroxeago, Guraso Elkarteak antolaturik, disko festa Dj Molinarekin. Gauean berbena Veracruz hirukotearekin.
Arratsalde polita, gogoangarria izan zen barikukoa.

Ezin amaitu kronika hau Guraso Elkarteko aita eta amen inplikazio eta lana aipatu barik: a zer nolako eszenatoki ederra apaindu zuten; txokolateaz gain, oparitxoak txikienentzat; dantzan gelditu barik... Urtebe luze egingo da berriro inauteriak heldu arte.
(Argazki gehiago ondoko zutabean. Argazkilaria: Goio Ramos)

Inauteri jauna eta Aratuste andrea.

Kantazak euskalduna, kantazak hire herria...

2009-02-17T07:05:00.000-08:00

Gaur laugarren, bosgarren eta seigaren mailetako ikasleek saio berezi bat izan dute arratsaldean. Arkaitz Estiballesek, bertsolaritza irakasleak, lagun berezi bat ekarri du, Aitor Rubio kitarrajotzailea (besteak beste, Gu ta Gutarrak taldekidea).
Beragaz batera, eta bertsolaritza programa barruan, euskal doinu zahar eta berriak izan dituzte kantatzeko bide. Txoria txori, Aita semeak, Ilargia, Triste bizi naiz eta, Maritxu, Lau teilatu, Aitormena... pila bat kantu egin dituzte ikasleek. Giro ederra egon da, ikasleak izugarri animatu dira, lotsa barik hartu dute mikrofonoa, txaloak eta besoak gora....
Arratsalde gogoangarria izan da.
Musikaria eta bertsoalaria ere oso gustura egon dira, ikasleen parte hartze eta jarrera goraipatu dutelarik.

Ugaoko hondakinak aztertzen

2009-02-13T02:50:00.000-08:00

Denok dakizuenez, gure ingurumena zaintzeko konpromisoa dugu ikastetxean eta, horregatik, Eskola Agenda 21 egitasmoa aurrera daramagu.

Udala bere aldetik ere Tokiko Agenda 21 egitasmoa burutzen ari da. Proeikto hau dela medio, teknikari baten laguntzaz eskolako hainbat ikasle herrian dauden hondakinak azterten ibili dira egunotan: zabor ezberdinak, autoen kutsadura, ontzien bolumena... dena kontsumo iraunkorra izeneko atal barruan. hondakinen azterketa hau urtero egingo da eta lehen, hirugarren eta bosgarren mailetako ikasleek burutuko dute. Aurten seigarren mailetako neska mutikoek ere hartu dute parte era berezian, bestela ekintza interesgarri honetan ez zuten esku hartzerik eskola honetan.

Baina lana ez da hemen amaitu, ez horixe. Ekintza burutu bitartean herrian zehar egindako ibilbidean topatutako hutsuneak eta eskolan bertan teknikariarekin izandako hitzaldietan betetako fitxak oinarri hartuta, udaletxeari aurkeztu egingo zaio txosten bat hainbat hobekuntza proposatuz.

Gure ingurumena zaintzea denon esku dago.

Eskolako Agenda 21eko arduraduna

Doremika ikuskizuna Basauriko Social Antzokian

2009-02-06T03:48:00.000-08:00

Ugaoko kaleetan zehar Santa Agedari buruzko koplak eta makilen hotsak isildu eta hurrengo egunean, otsailaren 5ean, Ugaoko Eskolako 3. mailako ikasleak Basauriko Sozial Antzokira hurbildu ginen musika entzunaldiaz gozatzera. Bilboko Akordeoi Orkestra Sinfonikoaren DOREMIKA ikuskizuna ikustera joan ginen. Kontzertua hasi baino lehen, aurkezleak akordeoiaren ezaugarriak eta jatorria azaltzen aritu ziren. Kontzertuan, Mozart, Loroño, Strauss… eta abarrekoen obren bitartez musikako ezaugarri desberdinak argitu zizkiguten eta pelikula ezagun batzuen musika eta himnoak entzun ahal izan genituen. Guri, gehien gustatu zitzaiguna Athletik-en himnoa jo zutenean izan zen; gure aldetik, txaloak joz eta abestuz parte hartu genuen, eta bai ondo pasatu genuela!

Hirugarren mailako neska-mutilak