Bizikleta

Joan den astelehenean, otsailaren 18an, bizikletak seigarren mailan bisita bat egitera etorri ziren.

Patioko aterpean, txirrindularitzako mutil batzuk egon ziren. Bizikletari buruzko gauza asko kontatu zizkiguten, eta, geroago, gurpil bat zulatzen bada zer egin behar dugun azaldu ziguten ere.

Txirrindularitzako eskola eta gero, bizikletarekin zirkuitu batzuk egin genituen, batzuetan laguntza pixka bat behar izan genuen, beste batzuetan, ordea, ez.

Guztiok zirkuitua amaitu bezain laster, triatloi egin genuen, korrika eta bizikletaz, baina igeri egin gabe. Triatloian lasterketak egin genituen, gero eta zailagoak.

Azken jolas hori amaitu ondoren, txirrindulariei eskerrak eman eta agurtu genituen.

Primeran pasatu genuen, eta gainera, oso zintzoak izateagatik, gozoki eta guztiz bueltatu ginen etxera.

                                                EUKENE DIAZ GARDEAZABAL

Gugemheim eta Bizkaiko zubia

Lehenengo gugemheim museora joan ginen eta gauza asko ikusi genituen. Mota desberdinetako koadroak ikusi genituen. Bat izara desberdinez eginda zegoen eta beste bat  Marilin Monroeren aurpegiz, ez dakit  zenbat aurpegi zeuden baina oso polita izan zen. Ondoren laberinto batera sartu ginen eta horma oso altuak ziren. Amaitzeko giarekin kartulinazko museo txiki batzuk egin genituen.

Bizkaiko zubia ere joan ginen egun berean izugarri gustatu zitzaigun. Ni igo nintzenean haize asko egiten zuen eta alde batetik bestera eramaten gintuen, pixka bat beldurtu ginen. Oso eguraldi petrala izan zuen, hala ere, primeran pasatu genuen.

EGILEA:NEREA

KORRIKA BADATOR!!!!

Korrika, AEK-k antolatuta, Euskal Herri osoan zehar egiten duen euskararen aldeko lasterketa erraldoia da. Gure hizkuntzaren aldeko kontzientzia suspertzea eta gau-eskola zein euskaltegien eguneroko lana indartzeko dirua biltzea ditu helburu.

1980an Euskal Herria Oñatitik Bilbora zeharkatu zuen 1. Korrika antolatu zenetik, euskararen alde antolatzen den ekitaldirik jendetsuena eta garrantzitsuenetakoa da. Ordudanik 17 Korrika eta 32 urte igaro dira.

2013ko martxoaren 14an hasita, 11 egunez eta gelditu gabe, Euskal Herria zeharkatuko du hamazortzigarrenez Korrikak. Bi mila kilometro baino gehiago euskararen alde, adin eta mota guztietako milaka korrikalarirekin, gau eta egun gelditu gabe.

Korrika hasi eta amaitu arte, lekukoa pasatzen da eskuz esku eta kilometroz kilometro korrikalarien artean; lekuko horren barruan Korrika helmugara iristean, euskaldun ezagun batek irakurriko duen mezua doa, ordura arte sekretupean gordetzen dena.

Hona hemen aurtongo korrikaren abestia:

Eta interes gehiago izanda azpian duzue korrikaren horrialdera lasterbidea:

http://www.korrika.org/

INAUTERIAK

Zein ongi pasatu genuen pasadan otsailaren 8an ospatutako inauterietan! Ipuinetako pertsonaietan bilakatu ginen amets eta ilusioen mundu batean murgilduz, mozorro, dantza eta antzerkien bitartez.  Hona hemen  argazki eta bideo bilduma.

Bideoak eskuma aldeko zutabean aurkitu ditzakezue zikloz eta mailaz sailkatuta.

Inauteriak 2013

otsailaren 8a, barikua

Arratsaldeko 3:00etan, kalejiraren irteera Leitoki eskolatik Plazara heldutakoan, ikastaldeek dantza eta koreografia batzuk eskeiniko dizkigute;

aurtengo gaia IPUINETAKO PERTSONAIAK da.
Jarraian, gorputzak epeltzeko, txokolatea!!!
Lau eta erdietatik aurrera, irakaslek, gurasoek eta nahi duten guztiek beraien aktuazio musikalak burutzeko aukera izango dute.

*Egitarau hau alda liteke eguraldiaren arabera. Hala balitz, informazioa eskolako sarreran eta plazan jarriko dugu.

ETORRI ETA PARTE HARTU GURE IPUINETAN

Inauteriak ospatzera gonbidatzen zaituztegu. Desfila dezakezu, ikasleen dantzak eta koreografiak ikus ditzakezue eta parte har dezakezu aktuazioren bat eginez.


 Eskolatik pasatu parte hartuko duzuenok.